Prestazioak

Kiroldegiko abonatuek igerilekua eta gimnasioa erabiltzeko eskubidea izango dute, beti ere, lekuko arautegiak ezarritako baldintzak errespetatuta. Horretaz gain, gehienez bi egun lehenago erreserbatuta, kirol anitzetarako pista, squash-a, frontoi txikia eta frontoia doan erabili ahal izango dira, libre baldin badaude.

Gimnasioan monitore bat egongo da 16 urtetik gorako abonatuentzat, aurrerago zehaztuko den ordutegian, gimnasioko makinen erabileraren inguruko argibideak doan emateko, eta, dagokion tasa ordainduz gero, erabiltzaileen neurrira dagokion entrenamenduak prestatzeko.

Abonatuek beraientzako ikastaro esklusiboak izango dituzte. Bestalde, herritar orori zuzendutako ikastaro irekietan izena emateko aukera izango dute; kasu horretan, abonurik ez dutenek baino kuota murritzagoak ordainduta.

Udan, aisialdirako eta jolaserako kanpoko igerilekuetara joan nahi izanez gero, abonatuek gainerako erabiltzaileek baino kuota txikiagoa ordaindu beharko dute.