Ekimenaren helburuak osasun hobea izatea, mugikortasuna lantzea, kirola egitea, aktiboago sentitzea, Hernani eta inguruneak ezagutzea eta lagun berriak egitea dira. Izan ere, ibiltzeak ez du neke handirik eragiten eta, astero zein egunero pixka bat egiteak, onura ugari ekarriko ditu osasunean.

Guztira lau ibilbide daude, luzera eta zailtasun ezberdinetakoak, bakoitzak bere neurrira kirola egiteko aukera izan dezan. Ibilbide gehienak Hernaniko hirigunean kokatzen dira. Laburrenak 2,5km-ko luzera dauka, eta luzeenak, 7,3 km.

Herrian zehar ariketa fisikoa egiteko kaleko makinak dauden guneetatik pasatzen dira ibilbide guztiak.