Ariketa fisikoa egiteko parke bio-osasungarriak

Parke bio-osasungarriak espazio berdeak, irekiak eta aire zabalekoak dira. Herriguneetan egoten dira eta hainbat makina izaten dituzte sasoi fisikoa garatu eta mantentzeko. Parkeen helburua da pertsona guztiek erabili ahal izatea bestelako testuinguruetan kostu handiak dituzten gailu espezializatuak, denbora librea aprobetxatzea eta ariketa fisikoa egitea ongizate fisiko, mental eta soziala sortzen duen aukera gisa.

Hori dela eta, Hernaniko Udalak, Atletismo pistan, Ave Maria parkean, Goiz Eguzkin, Lizeagan, Sagastialden, Etxeberrin, Karabelen eta Zikuñagan ezarri ditu ariketa fisikoak egiteko kaleko makinak. Hala, lagun artean eta naturarekin harremanetan sasoian mantentzeko baliabideak dituzte eskura Hernaniko bizilagunek.